要脫離單身，就要先改變你嘅錯誤想法！
我發覺，身邊嘅單身朋友，總會有以下問題：
「搵男朋友？隨緣啦！都遇唔啱⋯⋯」
遇唔啱定無去遇？成日躲埋屋企做宅女，睇韓劇，你自己都將心窗鎖埋，唔出去睇下呢個世界，咁未來男朋友又會點遇上你？佢係唔會走上門架～
「喂！有無好男仔介紹先？」
身邊總有一兩個男仔女仔分別問我有無好介紹，通常我第一次都會幫佢哋，先問對方意見，再比佢哋交換聯絡方法，之後嘅嘢由得佢哋自然發展。。。但係過咗一段時間，好多時問個女仔有無好消息，個女仔就話ADD咗對方後，對方無同佢傾過計，問個男仔仲乜唔試下同個女仔傾計，佢又話好忙，無時間傾，結果雙方不了了之，再過多一排，個男仔又問我：「有無好女仔介紹⋯⋯」（喂呀！當我係咩？）
其實，我始終唔係專業，如果你真係想搵個啱你心水嘅對象，就應該搵番專業人士⋯⋯
我有個女仔朋友叫樣靚身材正，事業又有成，其實佢要識男朋友真係唔愁架！但因為工作太忙同埋已到適婚年齡，佢好清楚自己需要啲乜，佢唔想再週圍亂試亂拍，想搵個啱KEY同孝順佢家人嘅結婚對象。直到某一日，佢終於拍拖喇，個男仔幾靚仔，職業與興趣同佢都差唔多，仲好似好夾，再過多幾個月，佢哋竟然好快訂埋婚，依家已經結咗婚，生活得好幸福！
原來佢搵咗間配對公司叫eSynchrony
，聽講要做個好詳盡既性格測試，之後會做價值觀配對，我個frd得閒就上下去揀人，雙方同意就會安排單對單見面，聽落好似好簡單，不過約會前都要驗證身份證明文件。雖然手續麻煩啲，但咁樣只係想保證所有資料嘅真確性，而且資料保密，絕對私隱。（呢個係真人真事嚟架！）
相睇，或者你仲未接受到，但其實換一個角度嚟睇，都係當識多個朋友啫？話唔定呢位新朋友就係你人生嘅一個轉變呢？
祝大家搵到心目中嘅Mr. Right，同佢百頭到老，一直愛下去～
沒有留言:
張貼留言