【體驗】Le Marron@黑糖玫瑰法式afternoon tea

幾日前，朋友已叮囑我哋今日著靚啲，佢話餐廳環境好靚，一定會謀殺唔少菲林！

於是，我問好友借咗件lolita裙著，扮演一下皇室小公主，襯返呢度嘅華麗環境！

呢間餐廳位於銅鑼灣sogo對面樓上，超級方便就腳，

餐廳每一件裝飾品、吊燈、餐具等等都經過細心挑選，

仿如進入咗18世紀歐洲貴族餐室，

也正好配合番我呢身小提琴lolita造型裝扮XD

每張枱都用廉布隔住，就好似置成一角嘅小天地。

衣著同環境，頓時我嘅儀態都變得斯文~

我哋花咗好多時間自拍、合照、週圍影，玩得好開心。嘻嘻

講番呢個2人份量嘅玫瑰黑糖法式Afternoon tea set，

老闆娘話之前只做夜市，依家先嘗試做Afternoon tea set，

以質為重，所以每日限量只供應五set！(記得先預約)

美食以木箱盒裝住，加上枱面佈滿玫瑰花瓣，淨係賣相已經十分吸引！

講到明係玫瑰花主題，

壺裡有好香嘅玫瑰花茶，而且仲可以叫一杯玫瑰花牛奶，

有冷同熱兩款，我揀咗熱飲，

清香的玫瑰味，加上香濃牛奶味

連唔飲牛奶友人都愛上啊！

士多啤梨切成玫瑰形，捨得食嗎？

講明法式甜品，馬卡龍、黑松露、布朗尼等元素不可少~ ^^

整體質素很不錯，

而我最愛甜食嘅係右下角三角形狀嘅

黑糖蜜糖糕，綿綿濕濕的，仲有好濃郁嘅蜜糖味

好好味！

除咗甜，亦有咸食，咸食中，我最愛法式雞多士

，多士沾上士多啤梨果占，再配上淡味嘅露荀同雞肉，

面上吱上沙津醬，雖然咸中帶點，但味道出奇地清新，好夾！

 其實以價錢 (498/2位) 嚟講，真的非常合理，

尤其同姐妹一齊嚟呢度，

靜靜地傾下計，影下相、體驗一下18世紀歐洲貴族，
品嚐afternoon tea，

淨係咁華麗嘅環境都羸哂！浪漫死了！

食物仲好有心思添！

溫提：餐廳屬私房菜，只接受會員招待，

而且每日只提供5 set 

時間為3:30 - 5:30

如果有興趣book位嘅朋友

敬請講明係Aggie的朋友就可以喇！ :)

Le Marron：銅鑼灣怡和街2-6號英光大廈12/F