麵麵店：抵食車仔麵

其實早已在雜誌看過小儀有份投資嘅麵麵店報導，剛開業時大排長龍，但卻無諗過依家在大角咀店卻水靜河飛 @@... 

或許大角咀始終被認為較偏僻嘅地方，好少人知道呢度開咗麵麵店分店？ 

其實店裡坐得舒適，樓底高，cafe般嘅裝潢，可以慢慢食不怕被趕~

望望點菜紙，第一個反應，好抵食喎！42蚊4個餸，再加埋嘢飲？而且餸菜比一般車仔麵更多選擇，除咗基本嘅丸、冬菇、豬皮等外，仲有自家製同少見嘅配菜！

我今次點咗：油麵、酸齋、黑木耳、腐皮魚肉同韮菜餃，飲豆漿。
湯底要薑酒湯

仲以為咁抵食應該好少餸，點知一送到嚟，真係好有誠意嘅車仔麵！大大碗，超驚喜！
而且餸也不失禮，大件嘅有三隻，其他嘅都有一堆 @@

咁多餸，我仲可以同d朋友仔交換餸食，變相食得更豐富~ hee
(p.s.不過我唔係好鍾意個碗嘅設計，放筷子上碗有點困難... )

但價錢又平餸又多，究竟好唔好味先？

湯底：唔算好濃，有少少薑味，還帶有一點甜
木耳：較淡無乜味
酸齋：好好味！酸酸帶點辣，好惹味！ (心心眼)
腐皮魚肉：好大塊炸腐皮，魚肉好少，初初睇有點失望，但當佢炸腐皮咁食，又都幾好味！
韮菜餃：一般偏好，自家製，誠意搭夠都好味~ ^^

再同朋友交換餸食：
沙葛餃：好有特色！內除咗有沙葛同少少豬肉，我仲食到有冬菇？ 好味，下次我要點呢個！(心心眼)
魚肉春卷：應該唔係自家製，但車仔麵店好少有，呢個食材係我以前讀書，成日幫襯嘅車仔麵魚肉春卷味道，可惜最後佢都執咗 (想當年只係十幾蚊就有碗)... 依家我竟然搵番失去嘅味道呀！ (心心眼)

友人話「麻辣蓮藕」辣得好過癮，不過我唔食得辣，所以無食

枱面仲有蒜蓉辣醬比你調味，我落咗少少，成碗就辣到飛起！(利申：我食唔到辣架.. ><)

我哋仲點咗瑞士雞翼同炸鯪魚球，其中我好欣賞炸鯪魚球，配埋蜆介汁，食落好脆，彈牙有咬口，我食咗2大粒~^^！

最後我食到滿足捧肚地離開~~~ (麵我食唔哂，真的好多呢)
下次我要點酸齋、沙葛餃同魚肉春卷呀！