2009年8月3日 星期一

凍飲走冰


自從見識過「大開心」集團的凍飲後


(3分2也是冰,就像冰塊不用錢般的,
「低糖蜂蜜綠茶」!飲時的確不是味兒!!)


我那刻學懂了,在叫凍飲時附加了一句:


「凍飲走冰丫,唔該!」


 



可是情況不太理想。。。。


有次我叫「凍OO走冰丫,唔該!」


等... 等... 等,吃到飽飽了,飲品仍未上桌,
而朋友們也吃飽吃淨了。


朋友笑說:「梗係啦!要等D冰融哂
先可以上桌嘛!哈哈哈」


嗯嗯,怪不得要等這麼久吧。



又有一次,我對侍應說:


「凍XX走冰丫,唔該!」


怎料侍應冷冷地說:
「小姐!凍飲點走冰?
少冰就得!!」


這刻我才恍然大悟,自此我改口說:


「凍飲少冰丫,唔該!」



如果凍飲不用冰,可以用什麼?哈哈

27 則留言:

  1. 之前又真係有客人order過凍飲走冰架喎... 好難搞的說﹗= ="

    回覆刪除
  2. 千祈唔好走冰呀,我試過走冰變熱飲 也試過少冰一分鐘後溶晒冰

    回覆刪除
  3. 凍飲走冰.... 即係熱飲啦~

    回覆刪除
  4. 紅豆冰走冰 ~~haha ~~

    回覆刪除
  5. 大澳茶餐廳係凍飲冇落冰架~~!!

    回覆刪除
  6. 公主終於戴皇冠啦,但係我好 out.... 咩野係 OO .... ?

    回覆刪除
  7. 係喎
    妳差唔多時間又唔飲得凍飲啦
    記住小心身體呀
    啜~

    回覆刪除
  8. 用該種飲品ge冰(凍咖啡用咖啡雪冰)咪唔會少lor/預早雪定D飲品,好似我地屋企ge做法咁

    回覆刪除
  9. 哈哈有時食市加太多冰又真係會覺得唔抵

    回覆刪除
  10. ................我細細個飲已經叫人少冰~ 不過而家好多時冇咩所謂而已~

    回覆刪除
  11. 金鳳茶餐庁凍奶茶冇冰架 不過唔可以少

    回覆刪除
  12. 不過唔可以少甜

    回覆刪除
  13. 咁你要去果間出左模型枱椅既燒味茶餐廳飲冰震奶茶先得囉

    回覆刪除
  14. 餐廳落冰真係唔係好事,溝浠晒係少事,D冰唔衛生先大鑊!
    妳D畫好得意!

    回覆刪除
  15. 來幫你加油打氣,也希望你天天都開心如意唷!!! . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

    回覆刪除
  16. 你個冷公仔好靚呀~~
    http://www.cecidesign.com/ ↑你第二代 雞蛋仔仔 ( 第二代官方網頁 )條link好似有少少問題?

    回覆刪除
  17. 妳一定冇去過灣仔金鳳茶餐廳食o野啦................ o個度o的侍應會問妳 : "凍奶茶走0走冰呀"~~~~~~~ (只限奶茶, 其他都唔可以)

    回覆刪除
  18. 太子金鳳同灣仔金鳳係兩間o野呢~~~~~ 太子o個間係餐廳, 鋸扒真係 ok (但地方細要等好耐先有位) , 灣仔就係茶餐廳, 出名香滑奶茶~~~~ 不過兩間都有一個共通點----o的員工都好串~~~~~ ^o^

    回覆刪除
  19. 咁倒啲雪落去囉..

    回覆刪除
  20. 哈.... 去d 有得"冰鎮"飲品 餐廳囉... 如, 太興燒味餐廳, 德興新世代 ...哈....

    回覆刪除
  21. 思詩公主,很忙嗎?希望您可以抽空到小弟的BLOG參觀和回應,謝謝!

    回覆刪除
  22. Order多一杯清水,自己拎起D冰去另一隻杯

    回覆刪除
  23. 哈哈, 你畫得好可愛啊!!! 我有個同事仲勁過你, 叫凍紅豆冰走冰!!!

    回覆刪除
  24. 我好欣賞你的畫功,d 公仔好可愛啊!! 我通常都係就咁叫凍飲,之後就自用個匙拿走d 冰去杯水度,杯水就會變色,好似好肉酸咁 !! 宜家記得就會叫佢小冰,不過有時叫左都係咁多冰架 ~ 無法啦!! d 店舖諗住d 縮數0既野!!!

    回覆刪除