2006年12月19日 星期二

110-飛機欖

飛機欖是七十年代的民間小吃,現在香港已很少正宗的飛機欖了。

聽媽媽說,她以前住在李鄭屋村,那裡只有六七層樓,每當傍晚時份,飛機欖伯伯便會在街上徘徊,身上背著「飛機欖」箱子,邊大聲向樓層唱<賣欖歌>。

每當樓層上有人要飛機欖,他們會用紙巾包裹錢幣,然後掉下街,當飛機欖伯伯收下錢後,便會拋上一包飛機欖給樓層上的人。通常他們眼界很準確,萬一失準,他們會再拋,直至別人能夠收下。

貪玩的媽媽,時常走到樓層最高處,要伯伯拋飛機欖給她,考考他的眼界。

本月我於上環行人假日坊,有幸與小丸一起開檔,旁邊的攤檔恰巧是一位年約七十歲的伯伯賣飛機欖。現今飛機欖不會拋上樓層,但仍會閒時自彈自唱《賣欖歌》。

《賣欖歌》(歌詞)
咁靚的飛機欖,的確係無彈。
生津止喝,下火又除痰。
若有傷風兼病患,
我負責寫包單,你食左至好行,
想買企定黎,我飛來你
唔好眨眼,好靚既夫妻和順欖,
包你兩公婆食左無得彈。

p.s. 想聽伯伯唱歌請按

http://hk.myblog.yahoo.com/takacin01/article?mid=618&prev=643&next=616

來自taka的影片

 

 

年紀尚輕的我,買了一包,姑且一試這涼果,表面是甘甘甜甜,令我回憶兒時生飛滋時媽媽給我的甘草粉,內裡卻是硬果子,有核的,我反而不太愛吃。

那天晚上,我帶了一包飛機欖給媽媽,她很開心,一邊吃飛機欖,一邊說說飛機欖的往事,眨眼間已吃了整包了。

怪不得隔離攤檔的伯伯生意缽滿盆滿吧,每夥飛機欖也能勾起老一代的童年回憶。

13 則留言:

  1. 咁你媽咪有冇同你講過專響屋邨賣白糖糕西米糕既叔叔,多數都係獨臂的~~~~~

    回覆刪除
  2. 第三.我都未食過正宗飛機欖.唔知味道和平時食開的欖有冇大分別呢?

    回覆刪除
  3. 魔鬼~~~d飛機欖甜甜地幾好食架 ~~~~唔通賣白糖糕西米糕既係............楊過大俠 思詩真係有心機,寫番晒d歌詞出黎~~~好犀利呀

    回覆刪除
  4. 我都有見過人賣, 不過係好細個, 唔記得左佢有冇唱歌

    回覆刪除
  5. 你竟然...做埋歌詞?!@!

    回覆刪除
  6. 呢個飛機欖叔叔,我都好似曾經係旺角既隧道見過佢又係係度一邊唱一途買的......但最幾年就唔見lu 講起舊史~~~我都記得有好多童年回憶~~~例如:抬著兩大鐵桶上樓買的芝麻湖和麥米粥~白塘糕~ 還有磨較剪產刀~~~~呢d都係會上樓買的. 至於係樓下買的...就多囉~~~有丁丁塘和麥加塘~有魚肉和假魚翅~有炸魚蛋和炸雲吞皮~ 最記得同埋我最喜歡食的~係早上先有的炒燸米飯同炒麵~還有很多很多的回憶啊.......真係兒時係最開心最快樂的時光.....但小時候又想變成大人喎......真無奈.....

    回覆刪除
  7. 你要繼續畫哩個系列呀! 知嘛!

    回覆刪除
  8. 回009, 咁你過d題目比我啦..嘰嘰 回通心粉, 抬著兩大鐵桶上樓買<===咁咪好重囉@@ 我細個都有見過有人上樓磨較剪架 叮叮糖我之前都有畫..hee 回world_beater+taka, 哈哈.. 有d上網參考的 回跌倒, 我都係最近先聽到呢首歌 回魔鬼, taka說得沒錯啊 回咳神, 呢層.. 唔知啊 回小丸記.

    回覆刪除
  9. 旺角某條行人隧道間唔中都有個伯伯賣飛機欖, 喉嚨唔舒服果陣食, d 甘草清清涼涼會舒緩好多呢~~

    回覆刪除
  10. 終有一日,我們也會懷舊,回味我們的今日,跟我們的下一代訴說我們較年輕的歲月... ...

    回覆刪除
  11. 雖然我未食過, 但聽我babamama講返呢, 就係話會將D食物拋上去等D要買o既人接。 呵呵~E家相無晒lu~因為基本上唔會再有有露台式個類o既屋。

    回覆刪除
  12. 您好, 我是嶺南大學的一位學生
    最近我做了一份project 有關飛機欖
    想問您是在那裡找到他的蹤影呢?
    萬分感謝!!!

    回覆刪除