*照過x光片,經醫生初步判斷,我智慧齒打橫生,仲要整到隔離隻大石蛀左 (@@唔睇x光片都唔知比想像中嚴重)
醫生話要先拔掉智慧齒,同埋和倒牙根(大牙),盛為6440(嗚嗚,好心痛)
點計? x光:$80、智慧齒:$2500、牙套:$1800、倒牙根:$1800。。。(或考慮去第二間夾下價)
仲要簽份同意書(我同事倒牙根係唔駛簽的@@?)
*當要做小手術那刻,我同醫生講,幾日後我就生日喇,有冇影響架?
醫生聽後,便建議我生日後才做這小手術吧,相信生日當天臉腫又痛我會過得不開心!
*就係咁,緩刑至下星期才施這小手術,代價係..比多$260的消炎藥和止痛藥。
====================================
*原本約左下星期一,點知護士打黎叫我改做下星期三,點解呀?佢話由於有少許風險,到時將會有2個醫生一齊幫你做這小手術 (咁咪仲恐怖??? >.<~ 可唔可以唔睇呀?)
同事話:要食o既呢幾日好食多d喇,之後就要食粥水架喇
如果我可以一早就做呢個小手術,就唔駛顧慮咁多啦,依家攪到我心驚膽跳,成日亂諗野.. 點解生日先比呢個大禮我喎?
你去邊間睇 ? 問多間牙醫診所好 d ~~甘貴! (錫返) 唔痛 ~~ 我很想見下你 ~~
回覆刪除唔好驚~好多人都試過咁ge狀況, 都無問題, 所以你都一樣ga!~~
回覆刪除之前我出智慧牙都痛個成兩個星期呀, 本來都諗住去搵牙醫救命架啦, 但係我記得有次我去洗牙, 牙醫講過我係夠位生智慧牙, 所以我就記住呢句說話, 死忍難忍都唔去再睇牙醫, 一黎怕痛,二黎實在太貴! 呢幾日快d 食番多d 好味野啦, 拔完牙之後就有排都無力咬d 硬野同埋大舊既食物啦! 生日快d 搵朋友請仔食大餐啦!
回覆刪除生日快樂
回覆刪除倒牙根和拔牙我都試過.....小小痛.....唔駛太擔心~~~
回覆刪除$6440???????? 唔係麻 ????? 好彩我前年補牙時, e 生話我得兩隻智慧牙, 其它冇生出來, 所以我先可以冇呢 d 煩惱咋. 你邊日正日呀? 生日快樂
回覆刪除回跌倒, 我都覺得好貴..好心痛>.< 要價格 多謝您^^ 回豆腐人, 同事教:「唔痛唔痛,生仔仲痛!」 回shalom, 多謝您^^ 好cute呀 回r嘈, 呢幾日不斷都有朋友提醒 「要食o既好食喇...唔食冇得食>.<~」 回宇, 知道了^^ thanks 回小丸記, 啜..我都好想見你呀
回覆刪除牙醫手勢好,真係唔會痛架,只會因為打麻醉針痺一排囉~ 俾D信心妳,同埋預祝妳生日快樂~
回覆刪除我都生智慧齒啦! 勁痛牙!
回覆刪除要食o既呢幾日好食多d喇,之後就要食粥水架喇 這句講到好似無錢開飯咁, 不過你都唔洗食咁多, 小心身體,
回覆刪除我以前又係隻智慧齒打橫生,頭頭去睇私家牙醫..... 我又係照過x光片,經醫生初步判斷又係話我智慧齒打橫生,又係整到隔離隻大牙蛀左 ,唔知都以為好嚴重, 醫生話:要先拔掉智慧齒,同埋最好順便一次拔掉左上下隻智慧齒,再拔掉右上下智慧齒,其實我一隻智慧齒打橫生,不過佢話夠位...又易蛀...一了百了4隻拔掉好d...否則智慧齒蛀了就很麻煩......... 後來,我去第二間格下價,去左元朗舊麥當勞後面o個間 仁愛堂 田家炳 醫務中心 睇牙...幾好喎...佢唔貴...都幾好手勢,又唔痛...我都係從未拔過智慧齒的,都好驚...不過原來唔痛...因為有麻醉藥.....不過,係2年前有多o既事架喇...而家價錢就唔清楚喇.... 你最好第二度去檢查下先...因為有時唔係個個牙醫判斷都一樣....私家會係貴好多..仁愛堂 田家炳 醫務中心好似有資助會較便宜的.... 你仲要簽份同意書??? (我都係唔駛簽架喎...)
回覆刪除回瑤瑤板, 謝介紹 我一陣打電話去問問先 有冇話入面姓咩醫生好? 元朗近我..真好^o^ 回盼望的緣份, 嗚嗚..我會的了 回藹, 我想像到 回sam, 多謝
回覆刪除牙痛真是一個大惱人的問題...哈哈希望妳做完手術後快些好返.祝好
回覆刪除我以前睇o個個牙醫好似姓傅架~~
回覆刪除無記錯係叫....傅天森
回覆刪除瑤瑤板, 感謝您^^ 你介紹左個好醫生比我 我昨日去左仁愛堂睇..就係呢個醫生幫我check 之後佢話我隻智慧牙腳整左條神經線..所以佢轉介左我去屯門醫院排期做手術 而倒牙根我book左下星期..都係搵你比我個個牙醫 幸好有你咋..平好多呀.. 個度又專業..真係多謝您
回覆刪除唔洗客氣....我見大家都係住元朗先介紹俾你, 加上佢地..又平d.. 哈哈...不過,我今日先想起個牙醫個名....好彩,你都睇到佢....
回覆刪除回瑤瑤板, 因為當值醫生就係姓傅的 下星期倒牙根$1500,牙套$1500.. 平過之前個間 我仲介紹左我妹約時間去個度洗牙添 (估唔到間野又幾多人睇喎..嘰嘰) 十分感謝
回覆刪除hi
回覆刪除思詩
請問你剝了牙嗎?因為我的情況跟你一樣也是去了仁愛堂看,
之後又係話我隻智慧牙打橫生及腳整左條神經線..所以轉介左我去屯門醫院排期做手術,但最近我開始好痛,想找私家牙醫早D剝左佢
所以想問下你,你最後去左邊到剝及幾多錢?
謝謝等你回
傅醫生好唔好ga? 因為想找個好醫生..想cool牙.
回覆刪除