2006年8月15日 星期二

090-朱古力煙仔餅


我一向也不鼓勵別人吸煙,尤其我們被迫吸入的二手煙,呼吸頗困難。

幸好,我的家人全是非吸煙一族,身邊的朋友雖然有的是吸煙份子,但他們卻會禮貌地迴避或不正面呼出煙氣,十分識做。

小朋友總有反叛的一面,我當然也曾有想過扮扮吸煙者吧。

那些仿真度高的香煙玩具,既食得又玩得,我們稱它為「朱古力煙仔餅」。

還記得八十年代的煙仔餅是$4一包,包裝與普通香煙無異,還有錫紙作包裝內盒,每支煙的相似度頗高,內含的卻是朱古力,每次購買也有點戰戰兢兢呢!

媽媽說電視劇中的香煙是用這些朱古力煙仔餅作道具,當時竟信以為真,還要在朋友面前弦耀一番!!

取出一根煙仔餅,與妹妹一起扮演吸煙者。只要逐小地撕開煙仔包著的紙張,每扮吸一下,也吃了一少口朱古力,眨眼已吃了一根。

有時亦會用它扮作伙記,只要把一根煙仔餅放在耳上,再拿起筆和紙便可以了。

童年便是這樣,既無聊又有趣,勾起許多寶貴的回憶!

=================

素雯的回應:
如今的煙仔餅,是平民的小朋友才可以在街亂買到,有錢仔一定無機會「自己」去買。但今天 ,這些小朋友都大了,有經濟能力,不過有時都會找來吃。

我咁大個都有時買奶咀糖吃。

12 則留言:

  1. 以前覺得好貴,所以唔捨得買~ 的確令人勾起不少童年回憶~~~~

    回覆刪除
  2. 我細個都鐘意買來又食又玩ga!當然必定會扮幾下吸煙啦~哈~

    回覆刪除
  3. 回da fung, 哈 和我一樣 回fayes, 其實仲有好多童年小食的,之後會慢慢介紹

    回覆刪除
  4. 我小時都有食過 ~~ 得朱古力 ~~ 都無餅的

    回覆刪除
  5. 我屋企樓下有得賣呀,

    回覆刪除
  6. 係呀!我細個食個隻重可以吹D粉出黎添架!

    回覆刪除
  7. 哈哈, 我吃過.....真令人懷念!!

    回覆刪除
  8. 回塔塔, 回愛畫愛煮又愛玩, 吹d粉? 係咪果子糖啊? 回盼望的緣份. 依家都好似仲有得賣 回小丸記, 我地食個d都係冇餅的 但人家叫呢d做「煙仔餅」 哈哈

    回覆刪除
  9. 但會引致蛀牙喎, hahaa

    回覆刪除
  10. 回跌倒, 哈哈.. 勤刷牙

    回覆刪除
  11. 細個既時候試過俾我舅父食,點知佢真係拎個火機出黎點…… ^^" 仲記得d朱古力溶0個一刻……

    回覆刪除
  12. 回小黑, 哈哈... 咁都得

    回覆刪除